Special Report

ବୁଲିବାକୁ ଯିବା ସମୟରେ ବାନ୍ତି ହେଉଥିଲେ ଆପଣାନ୍ତୁ ଏହି ୪ଟି ଉପାୟ

କିଛି ଲୋକ ବୁଲିବାକୁ ବହୁତ ପସନ୍ଦ କରନ୍ତି । କିନ୍ତୁ ବାହାରକୁ ବୁଲିବାକୁ ଯିବା ସମୟରେ ହେଉଥିବା ଅସୁବିଧା ପାଇଁ କିଛି ଲୋକ ନିଜ ପସନ୍ଦକୁ ପୂରା କରି ପାରନ୍ତି ନାହିଁ । ବସ୍‌ ବା କାର୍‌ ଯୋଗେ ଦୂର ସ୍ଥାନକୁ ଯିବା ବେଳେ କିଛି ଲୋକଙ୍କର ବାନ୍ତି ହୋଇଥାଏ । ଯାହାଫଳରେ କି ସେମାନେ ଦୂର ସ୍ଥାନକୁ ଯିବା ପାଇଁ ଡ଼ରି ଥାଆନ୍ତି । ଯଦି ଆପଣ ସେମାନଙ୍କ ମଧ୍ୟରୁ ଜଣେ ଏବଂ ଏହି ସମସ୍ୟା ପାଇଁ ଆପଣ ଦୂର ସ୍ଥାନକୁ ଯିବା ଛାଡ଼ି ଦେଇଛନ୍ତି ତେବେ ଏହି ଉପାୟ ଆପଣାନ୍ତୁ । ଏହି ଉପାୟ ଆପଣାଇ ଆପଣ ନିଜର ଯାତ୍ରା ସୁଖମୟ କରି ପାରିବେ । ତେବେ ଆସନ୍ତୁ ଜାଣିବା ଯାତ୍ରା ସମସୟରେ ବାନ୍ତି ଲାଗିଲେ କ’ଣ କରିବେ ।

ପଢନ୍ତୁ  ଚାଣକ୍ୟ ନିତି , ଜୀବନରେ କରନ୍ତୁ ନାହିଁ ଏହିସବୁ ସାଙ୍ଘାତିକ ଭୁଲ

୧. ଯଦି ଆପଣ କୌଣସି ଦୂର ସ୍ଥାନକୁ ଯାଉଛନ୍ତି ତେବେ ମସଲା ଜିନିଷ ଅଧିକ ଖାଆନ୍ତୁ ନାହିଁ । ମସଲା ଜିନିଷ ଖାଇବା ଦ୍ୱାରା ପେଟ ଖରାପ ହେବା ସହ ଗ୍ୟାସ ହୋଇ ଯାଇଥାଏ । ଯାହା ଫଳରେ ଆପଣଙ୍କୁ ବାନ୍ତି ଲାଗିଥାଏ । ସେଥିପାଇଁ ହଜମ ହେବାକୁ ସମୟ ଲାଗୁଥିବା ଖାଦ୍ୟ ଯାତ୍ରା ସମୟରେ ଖାଆନ୍ତୁ ନାହିଁ ।

୨.ଲବଙ୍ଗ : କିଛି ଲବଙ୍ଗ ନେଇ ତାକୁ ଭଲ ଭାବରେ ପେଶି ଏହାକୁ ଏକ ଡ଼ବାରେ ରଖି ଦିଅନ୍ତୁ । ଯାତ୍ରା କରିବା ସମୟରେ ଯେତେବେଳେ ଆପଣଙ୍କୁ ବାନ୍ତ ଲାଗିବା ସେତେବେଳେ ଲବଙ୍ଗ ଚୂନାରେ ଚିନି ଏବଂ କଳା ଲୁଣ ମିଶାଇ ଖାଆନ୍ତୁ । ଏହାକୁ ଖାଇବାର କିଛି ସମୟ ପରେ ଆପଣଙ୍କର ଏହି ଅସୁବିଧା ଦୂର ହୋଇଯିବ ।

ପଢନ୍ତୁ  ମହିଳାମାନଙ୍କ ସହ ସଂପର୍କ ସ୍ଥାପନ କରିବା ପୂର୍ବରୁ ସେମାନଙ୍କ ସହ ଜଡ଼ିତ କିଛି ରହସ୍ୟ କଥା ଜାଣି ରଖନ୍ତୁ

୩.ଅଦା : ଅଦାରେ ଆଣ୍ଟିମେଟ୍ରିକ୍‌ ଗୁଣ ରହିଛି ଯାହା ବାନ୍ତିକୁ ରୋକିଥାଏ । ଯାତ୍ରା ଆରମ୍ଭ କରିବା ପୂର୍ବରୁ ସାଥୀରେ ଅଦା ନେଇଥାଆନ୍ତୁ । ଯେତେବେଳେ ଆପଣଙ୍କୁ ବାନ୍ତି ଆସିବା ଭଳି ଅନୁଭବ ହେବ ସେତେବେଳେ ଅଦା ବା ଅଦା ଚା’ ପିଅନ୍ତୁ । ଏହାକୁ ପିଇବା ପରେ ବାନ୍ତିର ସମସ୍ୟା ରହି ନଥାଏ ।

୪.ଲେମ୍ବୁ : ଲେମ୍ବୁରେ ସାଇଟ୍ରିକ୍‌ ଏସିଡ୍‌ ରହିଛି ଯାହା ଶରୀର ପାଇଁ ଲାଭ ଦାୟକ । ବାନ୍ତି ଲାଗିବା ବେଳେ ଗୋଟେ ଗ୍ଲାସ ଗରମ ପାଣିରେ ଲେମ୍ବୁ ଚିପୁଡ଼ି ସେଥିରେ କଳା ଲୁଣ ମିଶାଇ ପିଅନ୍ତୁ । ତୁରନ୍ତ ଆରାମ ମିଳିବ ।